據聞杜琪峯想拍《黑社會3》，同時亦想拍一套紀錄雨傘暴動嘅電影。隻抽俠諗來諗去，其實黑社會同雨傘暴動根本分唔開，黑人物推動雨傘暴動，暴動又捧紅好多黑人物，究竟有雞先定有蛋先，有暴動先定有黑社會先？根本冇人講得清。杜sir有心記載歷史，又何妨來個一雞兩味，拍返套《黑社會3：雨傘暴動》？ 不過佢話喎，因為擔心咁做會為電影公司帶來負面後果(咁又係呀，啲雨傘黑幫唔係人咁品，一唔小心得罪佢咯喎……大家睇開近期法庭新聞，都應該見識過佢哋層出不窮嘅襲警招式。對差佬都咁狼，對手無寸鐵嘅電影人會點？你懂的)所以，只好暫時作罷。 不過不過，身為千千萬萬「佔中苦主」之一，隻抽俠依然萬分期待呢套電影，以至於幫佢諗埋演員名單──唔使「大卡士」嘅，搵返真人就得嘞！須知呢班雨傘黑幫除咗搗亂，仲好叻做騷，個個都係影帝級嘅演技！呢套《黑社會 3：雨傘暴動》由杜sir執導，肯定會成為電影史上的一大經典。 係嘞，背後仲應該加多幾個外國勢力作友情演出。代表日本山口組應該用個似安倍的，或用梁家傑一人演出港日兩角，自從佢公開反對9.3抗日勝利紀念假，不要臉向日本獻媚後，個人樣真係愈來愈有日本味了。台灣竹聯幫頭領可以找施明德。至於美國黑手黨？馬龍白蘭度未死就fit晒。唔，可能要黎智英請佢老友前美國國防部副部長，Paul Wolfowitz友情客串。 杜sir 套戲到時同暴動一樣，港美日台合作，唔要大陸市場都賺到笑。 登登登鄧！請看《黑社會3：雨傘暴動》演員表： 友情客串：