熱普城自去年立法會選舉大敗後決裂，係人都知，如今終於去到白熱化，由癲狗教主黃毓民創辦的網台突然發公告，停播自號「城邦派國師」陳雲主持的節目，仲話會安排回水畀交了費用的網民。 搞笑的是，停播連陳雲自己都唔知。陳雲在Facebook話，係得網友轉告，才知自己主持節目停播，事出突然，所以連同班支持者講句再見都唔得喎！ 據講，事緣癲狗教主收到恐嚇信，有指是國師同熱狗狗主黃洋達下面嘅人所為，教主唔妥兩人冇好好管教云云。有見及此，國師急急在網上澄清不知癲狗教主被人寄信恐嚇，癲狗教主也並無告知。不過國師就彈咗句話，有網友告訴他，教主網台的台長梁錦祥就去了港獨派那個好少人看的台做節目，唔通是想暗指癲狗教主同港獨派行埋？
返回
