青年新政的兩位已完游蕙禎同梁頌恆單DQ官司仲上訴緊，所以兩個議席補選未有定案，但係已經引咗一大堆非建制派謀住補選個位，差啲打生打死。 昨日提到，去年立法會選舉在新界東輸咗個馬鼻的新民主同盟「咖喱飯」范國威，已經講明誓要參加補選，佢更頻頻出口術，一時又話要民主派選揀出「最有能力」嘅人，一時又話就算青政搵人出來選都會照樣去馬，咁做是「重要係為『大局』、『大義』」，只差冇將自己講成救世主咋。 一班本土派聽到自然扯火，閒人仇思達就喺Facebook發帖直擊范國威要害：「大局就係我要做議員，大義就係我要出糧。撐你就民主，唔撐你就過主，Ｘ你啦范國威！」這番話連黃台仰等獨派都讚好﹗

「出糧無小事，議席要堅持」

不少人出言附和，更曲線留言話：「搵食啫，犯法啊？」仇思達回應指：「唔犯法，不過犯駁，你搵工使唔使講到自己大仁大義呀你？」有人直情恥笑謂：「守住關鍵出糧一席。」「出糧無小事，議席要堅持。」 有好多人鬧「咖喱飯」向來忘恩負義，兼夾「龍門任佢擺」，連他敗選時鬧恩師鄭家富的恩怨情仇都搬上枱：「為議席不惜數臭恩師話人臨老唔過得世，佢人格好極有限。」「范國威係泛民班Ｘ街入面我最憎嗰個，成X日講到自己當選係啱X曬咁，X佢嗰席咪又係鄭家富跌俾佢。」 范國威咁恨做議，唔通真係差份糧日子好難過？佢咁嘅款自稱為民，真是搵鬼信喇！可以肯定的是，見利忘義才是泛民的本色！ 圖：范國威Facebook https://www.facebook.com/%E8%8C%83%E5%9C%8B%E5%A8%81-Gary-Fan-124853124283126/

投票已截止，多謝支持