違法佔中禍首戴耀廷發起「公民提名」，因為重大的保安漏洞問題，被私隱專員公署批評有誤導參加者及濫用資料而煞停。泛民一早已經唔聽佢支笛，「長毛」梁國雄選特首亦提早玩完，表明不提名長毛的泛民，自然鬆一口氣。

欲做「大佬」 左右選委

不過，戴耀廷仲死心不息，話會在3月10日至19日，又再啟動「特首選舉民間全民投票 」，想騎劫泛民的選委參照他所謂的「民意」來投票，見過鬼仲唔怕黑嘅佢，仲大言不慚話到時會確保網上系統的保安妥當云云。 其實在立法會選舉期間，戴耀廷的「雷動計劃」，令到泛民不少「元老」落馬，泛民已經大表不滿，今次又再搞，目的無非想做泛民的幕後「大佬」，仲話希望市民對特首候選人表達「支持」、「反對」和「棄權」立場，想用他所謂的「民意」，左右選委投票意向。 不過他的如意算盤看來打不響，因為泛民選委之一的立法會議員姚松炎，並無回應是否會跟「公民提名」結果投票，仲話泛民選委稍後會開會商討，仲會舉行公開論壇邀請特首候選人講述政綱，換言之是他們自有主意。 其實，戴耀廷想爭取民意，又何需要搞風搞雨咁麻煩？佢只要履行承諾，就佔中自首找數，小編相信，依法懲治佢嘅民意，必定會湧現而來！ 圖：大公報 http://img.takungpao.com/2016/0907/20160907031512634.jpg

投票已截止，多謝支持