【HKG訊】熱血公民立法會議員鄭松泰為咗個別警員被指以納粹比喻失當一事，寫了一封公開信給德國駐香港總領事館，企圖向德國人打小報告，還要求對方回應。不過，有網民細閱鄭松泰的信，發現其英文水平實在不可以「獻世」，短短半頁已經給人改到變花臉貓，同Google Translate有得揮，不知道德國領事館方面還能否看得明白？有網民忍不住留言︰「其實你寫番（返）中文算喇，反正德國駐港領事館點都有人識中文，何苦自曝其短？」

簡單半頁英文信 錯得嘅都錯

鄭松泰日前在Facebook貼了一封公開信，煞有介事地留言：「認真，這個事件的確會引起外交風波，甚至國家安全的，請大家關注。」著名網絡時評員林忌前晚即時轉貼鄭松泰的公開信，不過就已改到花哩花碌，一頁紙只有半頁字，但足足圈了5大錯處，例如「gross（莫大的）」串錯變成「gloss（光澤）」；動詞「defend（捍衛）」竟敢寫成名詞「defense」等，「真係攞嚟畀中學生用嚟練習proofreading（校對）」就啱晒啦。 林忌又揶揄鄭松泰︰「好心啦，香港立法會代表緊香港市民，又唔係冇讀過書，咁都寄出街真係失禮囉！求其都見到咁多錯，……單講叫德國政府捍衛『德國國家與人民』？你講緊乜呀？……」雖然林忌貼封信出來時好似好有品咁遮住鄭松泰的名字，但心水清的網民當然很快知道是誰的「大作」。 點解人稱「泰博」嘅鄭松泰咁「有料」都攞到博士學歷？網民質疑︰「篇博士論文係咪請槍架（㗎）？」亦有人試圖為鄭松泰講返句好說話︰「北大讀，寫中文掛（啩）。」連友好網民都忍唔住問︰「泰博，認真，係咪無人幫手校對？因為真係有唔少語法錯誤……」

向德國駐港機構投訴好低能

當然，網民絕對不會放過揶揄得罪人多的熱狗的好機會。有網民表示︰「其實你寫番（返）中文算喇，反正德國駐港領事館點都有人識中文，何苦自曝其短？」再加上「做議員唔識英文唔係死罪」、「唔識扮識先俾人笑」嘅hashtag（標籤）。更有網民笑稱︰「咁我明poly（理大）唔續佢（約）的原因了。」除文法錯誤外，亦有少人覺得這樣寫給德國駐港機構本身就是低能。有人留言︰「講真，唔理你咩文唔文法問題，本身寫封咁嘅嘢畀德國，都完全唔知你做乜Ｘ。」 一向與熱狗唔妥的青年新政狗頭軍師林浩基當然唔放過報仇機會，即刻質疑鄭松泰的博士學歷「可以買」，又翻舊賬指鄭松泰「之前仲話要求政府將所有政府認定既（嘅）古蹟列做法定古蹟」、「之前聽講好似仲有一單查都未查就老屈懲教打人」。 鄭松泰英文水準低唔奇，奇怪的是他假設德國人要睇英文，咁就捉蟲了！ 圖：文匯報、鄭松泰Facebook http://paper.wenweipo.com/2017/02/25/HK1702250018.htm https://www.facebook.com/chengchungtai/photos/a.672612939579733.1073741838.396949433812753/672613192913041/?type=3&theater

投票已截止，多謝支持