青年新政游蕙禎及梁頌恆因宣誓辱華被取消立法會議員資格後，九龍西及新界東兩議席出缺或需要補選。新民主同盟范國威睇嚟對呢兩個議席都好有興趣。報載范國威睇怕在新界東翻盤無望，故開始密謀鋪路下屆轉區，好可能空降九龍西。

毛婆與范頭像横額擬掛九龍西

不過，其他泛民政黨肯定亦有興趣報名參與兩區未來的補選，而且仲打算先搞初選，倘若成事，范國威借補選翻盤的贏面勢將進一步收窄。可能因為呢個原因，他要鋪定後路，江湖傳聞指佢找已退出公民黨的立法會議員「毛婆」毛孟靜幫手，密謀轉區出選。聽講最近仲預備咗新橫額，印上兩人頭像，打算以「香港本土」的名義在九龍西區內張掛。

「香港本土」名義為范造勢？

毛婆與范國威2013年成立了一個名為「香港本土」的組織，聲稱推動本土議題，亦曾經試過一齊拖篋抗議，最近又一齊唱衰特首參選人林鄭月娥。而毛婆退出公民黨後，亦以「香港本土」名義接受傳媒訪問，表示支持范國威出戰補選， 一旦落實補選，60歲的毛婆諗住扶范國威上馬，接她的班機會甚高。 不過，范國威在今屆立法會選舉中已輸咗新界東議席，毛孟靜在九龍西的票，到底有幾多係屬於佢嘅「鐵票」，有幾多來自公民黨？真係冇人知，所以范國威即使空降九龍西，有毛婆幫手亦未必可以「坐定粒六」吧？ 圖：香港本土Facebook https://www.facebook.com/hongkongfirst/

投票已截止，多謝支持