中國和菲律賓就南海主權爭議關係緊張，菲律賓有輿論要求驅逐中國駐菲大使黃溪連。菲律賓畢竟仍然有幾分清醒，其總統小馬可斯18日表明，雖然佢本人可能對於黃溪連行為感到不安，但不會要求中國召回大使，因為菲律賓不能承擔可能造成巨大麻煩的後果。小馬可斯縱然倒向美國，關鍵時刻頭腦可還知所分寸，佢希望中國和菲律賓能在談判桌上討論南海爭議，而不是在公海上與對方船隻相撞。講真，中菲兩國軍力太過懸殊，根本不在同一個檔次，以武力對抗，菲律賓就是「找死」！

日前，中國外交部長王毅應約同菲律實外交部長馬納羅通電話。王毅說，當前中菲關係面臨嚴重困難，根源在於菲方改變了迄今嘅政策立場，背棄了自己作出嘅承諾，不斷喺海上挑釁滋事，損害中方嘅正當合法權利。王毅奉勸菲方不要沿着錯誤的方向走下去，而應盡快回到正確嘅道路上來。當務之急係妥善處理和管控好當前海上局勢。

的確，中菲係一衣帶水嘅鄰居，對存在嘅爭議應該商量着辦。

有道是「遠親不如近鄰」，菲律賓亦深知美國講一套做一套，菲律賓若真與中國直接發生軍事衝突，美國不會與中國撕破臉，跟中國發生軍事衝突，這是美國的一個原則，菲律賓應該明白山姆大叔最叻口惠而實不至。菲律賓佔有南海島礁8個，比起越南佔有29個，菲律賓還差得遠，菲方和越南無非想爭奪中國南海嘅海底豐富油氣資源。

南海最近掀惡浪，菲律賓畢竟國力有限，根本難與中國對抗；反而越南心懷不軌，恃着經濟近年有長足進步，軍事實力在東盟亦數一數二，加上老美討好，自是飄飄然！不久前，國家主席習近平亦旋風式訪問越南兩天，雙方公布嘅《聯合聲明》，無論係經濟和政治合作上都有長足進展，表面打破美國企圖拉攏越南對抗中國嘅好夢！

不過，從過往越南搖擺不定嘅國策可見，越南不濟時就要求中國協助，中國曾協助越南打敗法國殖民當局，擊退美國而付出相當大嘅代價，可越南統一後卻一面倒向當時嘅蘇聯，蘇聯解體後又轉向老美，反映越南根本就係「牆頭草，兩邊擺」。

事實上，越南領導人將自己國家嘅外交原則定位為「竹子外交」，倒也十分有自知之明，皆因竹子枝幹柔軟，隨風搖曳，甚麼時候傾向東、甚麼時候擺向西，都要看風向！越南絕對明白一個道理：「以財交者，財盡則絕；以色交者，色落則渝。」所以話，中國周邊的「小鬼」，最難纏的並非菲律賓而係越南，中國豈能不多加防範？

原圖：新華社

文章純屬作者個人意見，並不代表本報立場