有人指出山姆大叔對兵棋推演有着近乎病態嘅執迷，唔單止進行着許多不斷修訂條件以求符合自己主觀願望嘅所謂推演，甚至將同一個推演反覆炒作，偏生不少甜美黃人不知就裏，看得如痴如醉。

亦有台灣人問，美國耐唔耐就搞兵棋推演，咁大陸係唔係都好呢味嘢呢？大陸專家輕描淡寫地說：我哋那裏需要做兵棋推演，去年八月和今年四月嘅環台演習，就係真實嘅作戰演練。呢番說話嘅意思不難明白，即係指美國佬不過係紙上談兵，中國大陸先至係真刀真槍實地演練，誰更靠譜誰更堅不是已寫在牆上嗎？

呢嗱！美國高喊「中國威脅論」，經常繃緊神經，不久前美國陸軍特種作戰司令部又舉行演習，首次模擬係台海衝突中協助台軍防禦。呢，有退役台灣海軍軍官指出，美國及菲律賓近日演練防禦台灣嘅巴士海峽，不足以發揮震懾作用，一旦解放軍攻台，一定從北邊直取台北。

講呢番說話嘅台灣海峽海軍退役上校黃征輝，佢係一個電視節目中表示，佢直指解放軍冇可能把大軍拉到台灣東邊進攻。佢分析，台灣東邊於兵法上叫做「死地」，比如颱風天道路就可能中斷，所以解放軍一旦攻台，必定係從北邊來，直指台北，而不會從南部打上北部。而且解放軍真要轟炸台灣軍事要地，也會從北部攻擊。黃征輝仲話，連美國都忌憚解放軍，並指有啲國家只是擺出陣式支援台灣，一旦解放軍攻台係唔會來援！

旁觀者清，一點冇錯。明眼人睇到，解放軍嘅環台軍演，同實戰只有半步之遙，絕非甚麼紙上談兵嘅推演。

解放軍針對台島及周邊海域關鍵目標，所實施係海陸空模擬聯合精確打擊，正如有論者話齋，如果將演練轉為實戰，台島關鍵目標恐怕大多已經灰飛煙滅，蔡英文之流甚至可能已被「斬首」！連逃亡都來不及。畢竟，山姆大叔口惠而實不至，真打起來，老美遠在千里之外嘅航母群即使想馳援也鞭長莫及，何況美國少爺兵亦未必敢於進入險境。

小日本、南韓、菲律賓之瞓身投靠老美，交咗一大筆「保護費」以為就可安寢無憂乎？信美國半成都雙目失明吖！

原圖：東部戰區

https://m.huanqiu.com/article/49A7eLa8JAV

文章純屬作者個人意見，並不代表本報立場。