抖音海外版TikTok喺美國受歡迎到連老美政客都眼紅！據《華爾街日報》引述消息人士指，有美國官員以TikTok具有「安全風險」為由，提議強制要求TikTok總公司、內地企業字節跳動出售TikTok喺美國當地嘅業務，目的係為咗阻止中國從事間諜活動，影響美國嘅政局云云。大家都明啦！

據呢個不知名消息人士放嘅口風係，美國外國投資委員會（CFIUS）嘅官員喺過去兩年都一直希望TikTok強制出售當地業務，而且係委員會裡面來自國防部同司法部成員嘅建議，仲話唔咁樣做解決唔到安全問題喎。消息人士仲話，委員會可能會同總統拜登建議，字節跳動出售咗TikTok之後先可以繼續喺美國繼續佢嘅業務。

聽老美政客講嘢，一定要聽晒全部！話就話TikTok有「安全風險」，但其實係想用強迫嘅手段吞併TikTok至啱！己所不欲，勿施於人，點解美國硬係要逼人妥協而唔係有商有量搵出解決方案呢？歡迎各位留言討論！

原圖：素材網