黑暴爆發以來，社會深受眾籌亂象影響，有見及此，政府就規管眾籌活動開始了為期三個月的公眾諮詢。行政會議召集人兼立法會議員葉劉淑儀喺電台節目談到眾籌問題，認為規管對市民嚟講係好一係事，因為獲政府審批嘅項目，大家自然放心捐錢，更加方便市民，而且毋須吓吓動用到國安法。又啱啫！劏雞焉用牛刀？專門立法處理眾籌，當然有必要！

葉劉淑儀講得好白：「眾籌好危險」，因為唔知道資金來歷，而且網上充斥假Account，「萬一收到黑錢，咪死！」葉太又指，香港係G20集團財務行動打擊小組嘅成員，更曾經做過輪任主席，一直出招處理恐怖分子資金、販毒、各種黑錢同非法資金流向嘅問題。佢認為，今次政府嘅建議只係加強返規管，特別係因為要針對網絡眾籌活動。

坦白嚟講，今次政府對眾籌規管嘅建議，只係做返早就應該做嘅監管啫。尤其2019年嗰啲黑暴眾籌搞亂香港，大家見過鬼都怕黑，今次堵塞漏洞，正如葉太話，絕對係好事！不過，當局建議任何人如果捐錢畀非法嘅眾籌活動，都要負上刑責，但問題係平民百姓捐款時，未必會清楚知道眾籌嘅機構點樣用眾籌嘅錢，可能好易誤墮法網。立法嘅時候，真係要小心留意喇！

原圖：星島日報、星火同盟 抗爭支援Facebook

https://std.stheadline.com/sc/realtime/article/1076846/

https://www.facebook.com/sparkalliancehk/photos/2356928134594305