話說公民黨將會喺12月17日舉行會員大會，而今次嘅會員大會好可能係佢哋嘅最後一次，因該黨主席梁家傑講到明，如果開完會後，都係無人接手，就要直接摺黨兼清盤！而該黨主席梁家傑，面對12月17日過後，好可能要親手埋葬呢個有份創立嘅政黨時，表現得相當慘情，仲以蘇軾《定風波》一句「回首向來蕭瑟處，歸去，也無風雨也無晴」嚟形容。

不過，咁老套嘅事，唔係我哋Chill好傾嘅風格，我哋現代啲，用歌嚟表心情，例如：「苦苦堅持經已沒意思」、「別笑我 我犯賤」嚟送返俾佢。

唔知大家有咩歌想送返畀公民黨同梁家傑？一齊留言，一人一歌名，祝佢哋過唔到聖誕啦！

仲有，記得逢星期一、五晚上，準時收聽我哋Chill好傾，同你茶餘飯後，笑談新聞。