美國從戰略上加大對中國嘅打壓力度，但中國人未驚過！美國喺12日公開最新版國家安全戰略，將中國列為最重要競爭對手！

呢份長達48頁嘅文件提到，中國係唯一「意圖重塑國際秩序」，並「有愈來愈大力量」實現呢個目標嘅國家。文件仲提到，未來十年將會係美中兩國之間競爭嘅關鍵時期，美國會透過投資以及抱團，與盟友採取行動，力求喺同中國嘅競爭中取得勝利。

文件上亦有提及台灣問題，報告表示，美國不支持台灣獨立，並會繼續實行一個中國嘅政策，但就會支持台灣自我防衛。

將俄羅斯視作「威脅」

文件仲提及到俄羅斯，與中國「競爭對手」定性唔同，美國認為，俄國對國際和平構成「威脅」，並表示，將會繼續支援烏克蘭，協助烏克蘭復原經濟，並會聯同盟友阻止俄羅斯進一步損害「歐洲安全及民主」。

美國霸權可恥就梗㗎啦，但換一個角度諗，美帝將中國視為最重要競爭對手嚟打壓，證明中國近年嘅進步係肉眼可見，已經到咗美帝會擔心嘅程度！放馬過來吧，面對老美嘅打壓，中國只會見招拆招，遇強越強！

原圖：拜登FB圖片、人民日報FB圖片、白宮

https://www.whitehouse.gov/wp-content/uploads/2022/10/Biden-Harris-Administrations-National-Security-Strategy-10.2022.pdf