警隊日夜為守護香港對抗罪惡，阿Sir好嘢！昨晚追月夜，九龍灣發生一宗爆竊案，警方火速拘捕兩名涉案男子。
事緣昨晚8時許，一名外傭外出返回德福花園C座低層單位時，發現大門反鎖咗，於是立即向男戶主交代。男戶主隨即用手機查看單位內嘅閉路電視，發現一名行跡可疑嘅陌生男子偷偷闖入屋內，懷疑進行爆竊，於是報警。賊人得知事敗後立即爬窗離開，惟撞上剛抵達嘅警員，於是逃走。
男警見狀果斷上前追截，沿平台窮追大約100米至偉業街行車天橋，成功將賊人截停，加上增援警員迅速趕至，將賊人完全制服。
事件中，37歲的賊人頭部及手部擦損，他涉嫌爆竊被捕，而阿Sir左膝有少許擦傷，毋須送院。其後警方再於德福廣場外拘捕多一名男子，懷疑與案有關。
感謝執法者全力守護市民，支持警察嚴正執法，阿Sir好嘢！
原圖：星島日報
https://std.stheadline.com/realtime/article/1871949/
投票已截止，多謝支持
返回
