資深演員余慕蓮善心滿滿，多年以來一直出錢出力，最近更加推出自傳，不計成本將全數收益捐畀「兒童癌病基金」，希望可以幫助有需要兒童。

魚毛姐於2020年因為肺部纖維化被送入ICU，病情一度相當惡劣。後雖有幸治癒出院，但卻留低咗唔少後遺症，而家要每半年都要服用鏢靶藥去控制病情以防復發。佢話：「10個入去做手術，9個出唔返嚟、我好好彩出得返。但醫生話都有後遺症，要食鏢靶藥防止復發。復發分分鐘「收工」，但係我唔驚，覺得賺咗，瞓醒一日就賺多一日。」可見魚毛姐真係非常樂觀。

雖然身體抱恙，但仍然堅持出自傳籌款去幫助癌病兒童，為慈善出心出力。魚毛姐一直因自己細個時家境貧困而未能讀書有所遺憾，她唔想其他小朋友重蹈覆轍，就將自己嘅遺憾變成別人嘅希望。所以2005年佢將TVB俾佢嘅30年長期服務金中嘅部份，捐到貴州山區興建「余慕蓮希望小學」，令一眾山區兒童得到教育的機會，受惠兒童更加高達300人。「我做戲做慣垃圾婆這些小人物，別人以為我很窮沒有錢，其實我真的沒有錢，但我捨得捐。偉大便說不上，都是發自內心吧。」

佢更加立了平安紙，打算死後將自己全數積蓄捐出，話盡綿力幫助有需要嘅人。呢份善心值得大家學習，網民亦被佢善心感動紛紛送上祝福，希望佢健康快樂！

原圖：星島日報、Facebook圖片

https://std.stheadline.com/realtime/article/1536739/

https://www.facebook.com/photo/?fbid=