香港回歸祖國25周年嘅大喜日子即將來臨，大家都相當期待！適逢其會，新一期《警聲》特別搵咗1997回歸嘅儀仗隊隊員、前警署警長柴家輝分享當年嘅經歷。

而家已經退休嘅柴家輝，嗰時駐守新界北總區衝鋒隊。佢憶述當年6月頭突然被召到警察總部會見時任助理處長李明逵，有幸被選中執行「國家級任務」──回歸儀仗隊隊員。

連同柴家輝在內，共有2名督察及6名警署警長，一共8人奉召到昂船洲軍營，一齊跟隨英軍准尉下屬每日練習降旗、摺旗，又跟隨香港警隊儀仗隊教官學升旗及步操。喺李明逵嘅安排下，佢哋仲去到儀式場地會議展覽中心欣賞同場嘅中英雙方儀仗隊綵排，對解放軍專業嘅表現留下深刻印象。

對呢項歷史性嘅任務，柴家輝感到既榮幸又緊張。佢亦作為警務人員專業咁完成任務，順利升起特區區旗，直至返入後台仲依然萬分激動。

對於警隊將喺今年7月1號起全面轉用中式步操，柴家輝表示非常期待：「我認為中式步操動作流暢，極具觀賞性，是次轉變適逢香港回歸祖國25周年，十分有意義！」

香港喺97年回歸嘅時候，相信大家一定同柴家輝一樣心潮澎湃！不知不覺，我哋回歸祖國25載，警隊亦將與國家看齊，全面採用中式步操，絕對大家係翹首以待嘅事！

原圖：新華社

http://hm.people.com.cn/n1/2022/0616/c42272-32448022.html