俄烏衝突僵持數月仍未結束，由當初看似有著毫無懸念嘅結果，到依家竟然睇唔到幾時先會完，相信無論係所謂專家定係對軍事零認識嘅普通人，大跌眼鏡嘅人，絕對不在少數。
烏克蘭背靠歐美諸國，有著源源不絕嘅先進軍備援助，固然係俄羅斯遲遲未能結束行動嘅主因之一，但是次行動亦暴露咗俄羅斯唔少缺點。有分析指俄軍喺今次行動之中，無論係軍備、戰術以致後勤，都暴露咗致命問題。
咁另一個問題就嚟喇，中俄軍事關係密切，無論係遼寧艦航母定係殲系戰機，都係以前蘇聯軍備為基礎改進，一旦台海戰爭爆發，解放軍會否重蹈俄軍覆轍，陷入進退維谷嘅困境？
若果唔係有俄羅斯今次嘅軍事行動在先，而係台海戰爭先爆發，或者真係會出現上述結果都唔定。以中國今時今日強大嘅軍事實力，要令小島從地圖上永遠消失，可能只係撳幾個掣就結束嘅事；但若要執行以造成最小傷亡為前提嘅解放行動，而行動期間有極大機會需要面對來自歐美嘅先進軍備，加上越洋作戰等種種問題，就絕不簡單。
兩棲登陸戰向來被認為係中國大陸收服台灣嘅關鍵之一。事實上，解放軍最新一艘075型兩棲攻擊艦廣西號就喺近期亮相，並於入列不久後就公開訓練影片，展示其強大嘅兩棲作戰能力。喺俄烏衝突當下，中國高調展示自身嘅台海作戰能力，其實就係間接警告台獨份子，唔好因為俄烏僵局而心存妄想！
中國人擅於取長補短，俄軍喺烏克蘭行動受挫，正可作為解放軍嘅借鏡，針對性發展更多戰術同研發更實用嘅軍備，加快科技發展步伐；當中國大陸完成進一步部署，台灣仲有反應嘅機會咩？對任何企圖分裂中國嘅人嚟講，呢個既係最後一個機會，亦都係最後一個警告！
原圖：蔡英文Facebook
投票已截止，多謝支持
返回
