香港特首選舉喺萬眾期待下圓滿舉行，外部勢力竟然借機刷存在感！香港日前（8日）舉行下任特首選舉，李家超以高票當選。當社會各界都對下屆政府充滿期待時，以霸權為首嘅G7國（美國、英國、德國、法國、意大利、加拿大、日本）外長和歐盟高級代表就排好隊跳出嚟發聲明，話特首選舉背離普選，仲老屈選舉侵蝕香港的政治和公民權利喎。哎喲，唔講仲以為香港又双叒叕變成人間地獄。

不過，你識發聲明，我哋都識發啦！港府對呢啲擺明挑機嘅言論亦發聲明回應，鬧爆G7外長和歐盟高級代表。港府發言人指，G7和歐盟對香港特首選舉的指摘乃無端批評和不實評論，佢哋嘅聲明係干預香港事務和違反國際關係準則。發言人強調，是次特首選舉「嚴格按照法例要求，公開、公平和誠實地進行」，而「任何有關完善選舉制度削弱香港管治中的民主成份的指控皆是錯誤的」。

眾所周知，今次特首選舉的選委由原本四界別共1,200名委員擴展到五界別共1,500名委員，分組來自中小企、基層組織、地區團體等；界別和人數更多，代表更多香港市民嘅聲音。

特首選舉係完善選舉制度下最重要嘅一場選舉，過程公平公開，具象徵意義，哪裡輪到西方塘邊鶴嘰嘰乞乞？一齊向指手劃腳友說不！

原圖：星島日報、CGTN截圖、巴士的報

https://std.stheadline.com/realtime/article/1634626

https://news.cgtn.com/news/2021-06-14/G7-summit-ends-with-promises-on-climate-change-and-vaccinations-1155fLiT48U/index.html

https://www.bastillepost.com/hongkong/article/10659786