大家好，歡迎收睇一篇講晒，今日同你講講兩篇時事熱話！

先講第一單，國泰釀爆疫風波，拖累全港，「罪魁」機組人員終於要找數！警方昨日以違反《預防及控制疾病規例》，拘捕並落案起訴國泰兩名前空少（月初遭國泰解僱），警方仲講到，二人在醫學監察期間進行不必要活動，違反第599A章第15（3）條。根據以上條例，任何人沒有遵守衞生主任指明須遵守的條件，即屬犯罪，一經定罪，可處第二級罰款5,000元及監禁六個月。

同大家再講多一篇海外嘅新聞啦！

話說農曆新年就嚟到，唔少外媒都會報啲有中國節日氣氛嘅題材。點知今次就太過「有創意」！英國廣播公司（BBC）及英國《衞報》（The Guardian）刊出嘅中國賀年食譜，就咁睇係一碟平平無奇嘅餃子同大碗麵，但望望隔籬，「出事啦！」菜式旁邊竟然擺放傳統白事先會用到的吉儀和冥錢做裝飾，認真「大吉利是」！

原圖、原片：BBC網頁截圖、《衞報》網頁截圖、星島日報