青春難延，生命苦短。
呢，一度成為美爹力捧嘅反中亂港份子黃之鋒，早前曾感慨自己喺獄中度過黃金歲月，出獄已是30多歲嘅中年人了！講真，即使出獄，因留有案底，是否令「人生更精彩」呢？答案正如有網友調侃，上聯：案底令人生更加精彩； 下聯：坐監讓生活無限美好；橫批：精彩如你！
嗱！最近英國《金融時報》選出2021年最有影響力嘅25位女性，曾經喺「學民思潮」、同黃之鋒一起嘅緊密戰友周庭榜上有名。講真，外媒呢啲吹捧，根本就係「愛佢變成害佢」，唉，周庭外型討好，加上識日文，喺日本「好紅」；之不過，前年6.21包圍警總後，去年底被判即時入獄10個月，今年6月刑満出獄，已經變咗另一個人，即係「低調做人」，不但冇回應記者提問，臉書都消失埋，只係Instagram 發文：痛苦的半年零二十天，終於完結了。
阿哥，短短14個字，坐監是否令人生更精彩，已盡在不言中了！
當然，周庭仲有一單違反國安法案件在身，涉嫌「勾結外國或境外勢力危害國家安全罪」，佢講少句係「明哲保身」也好，或免得「講多錯多」也好，反正有時確係「沉默是金」。年輕人，若然「知錯能改，善莫大焉！」，依家外媒又出來無事「獻殷勤」，想吹皺一池春水？安的是甚麼心？
筆者又諗起前區議員岑敖暉，佢因舊年6.4非法集結案已被判囚六個月嘅刑期雖然結束，但因涉舊年民主派35+初選、涉違香港國安法嘅案件而繼續還押。獄中佢曾一度質疑自己是否做咗condom，被民主派用完即棄！
不久前岑敖暉又喺社交專頁上公開其獄中信，透露佢呢幾個月陷入迷惘同自我質疑，唔係太「寫到嘢」，亦都唔知「我」是誰。後來聽咗首歌，才覺得只要相信愛，自己就有向前走嘅可能。呢種自我剖析亦不難理解，皆因佢新婚冇耐，入到獄中難免「胡思亂想」，佢涉及嘅民主派35+初選案交付往高院程序未完成，需押後至明年處理，期間仍需還押。筆者希望佢喺獄中，能反思己過，唔好如一啲冥頑不靈嘅死硬派，錯咗仍不知悔悟！一錯到底，就真係神仙難救！
心中有愛，希望佢新婚妻子給他力量！這是筆者對佢嘅真誠祝福！同時，寄望年輕人，切勿因被誤導而輕飄飄！外媒無事獻殷勤，其實係殺人於無形！
年輕人，不是亂世，做甚麼「勇士」？
春暖花開，腳踏實地，努力工作；假日同愛人牽手郊遊，唔過癮咩？
原圖：星島日報
投票已截止，多謝支持
返回
