俗語講得好，會吠嘅狗唔咬人，咬人嘅狗唔會吠，二戰時出過一幅著名嘅卡通諷刺圖片，幅圖內容就係咁嘅，時任德國元首希特拉指住一隻披住英國米字旗嘅狗，然後問當時意大利總理墨索里尼：「吠叫的狗不咬人？（Barking dogs don't bite？）」墨索里尼就咁樣回應：「噢，是的，我與你都知道，但那隻狗知道嗎？（Oh, yes, I know it, and you know it; but does the dog know it？）」其實係想嘲諷當時嘅英國得把口，將呢個寓意套用返喺今時今日嘅仇中反華份子身上，真係最合適不過。

大馬歌手黃明志同澳洲馬來西亞裔女歌手陳芳語早前推出合唱歌曲《玻璃心》，被認為係劍指中國「小粉紅」，雖然歌詞未有具體針對任何國家或群體，但喺MV中就出現揮舞「NMSL」旗幟嘅大熊貓，歌詞中亦大量套用反華勢力平時用嚟抹黑中國嘅隱喻，辱華嫌疑水洗都唔清，兩人嘅微博帳號亦隨即消失。

雖然《玻璃心》明顯製作低劣，女歌手陳芳語更係一位多次喺中國大陸參賽而被淘汰嘅失敗者，實力可想而知，但呢首歌喺別有用心人士推波助瀾之下，YouTube上至今短短半月多已累積近2500萬收看次數，就算撇除篤數刷View開機械人等潛在因素，砍剩千萬仍然係一個幾驚人嘅數字。但咁又點呢？可以代表到啲咩？

《玻璃心》喺網絡上迅速走紅，其實原因真係好簡單，就係靠班反華網軍互相吹捧，對歌詞中嘅「關鍵詞」圍爐自high。雖然呢啲 「關鍵詞」本身毫無意義，但卻係反華網軍日常酸溜溜咁攻擊中華民族、抹黑中國領導人嘅成果。然而，除咗歇斯底里、用力跺腳，隔住網線疾呼中國呢樣唔好嗰樣唔好，指控中國乜乜物物，反華勢力仲做到啲乜？ 

到底是誰的玻璃心碎了？反正我就喜歡你看不慣我又幹不掉我的樣子～

原圖：《玻璃心》YouTube截圖