中文大學學生會雖然已摺，但有黃學生今竟趁畢業典禮搞事。中大今日舉行畢業典禮，有學生在畢業袍上掛白絲帶，而校園今早亦出現抗議直幡，話反對校方接管學生會喎，仲喺校內舉出「還我學生自治」標語，隨後被校方拆走。
「中大學生組織關注組」嘅學生喺百萬大道拉起「哀我中大」橫額，並向畢業生派發白絲帶及傳單。保安到場指關注組妨礙畢業禮進行，要求佢哋搬走桌子並停止展示橫額，雙方發生爭論。更甚者，竟有黃家長是非不分，幫住黃學生，仲反過來指責維持秩序嘅保安「助紂為虐」。
中大保安處首長李永光（曾任總警司）一度命保安搬走學生物資，被中大學生事務處職員勸阻，職員仲反叫李永光「冷靜啲」。據知，校方跟學生交涉後，保安離開，學生又再派發白絲帶。
中大學生會有幾黃、做過啲乜「好事」，大家心照啦，摺埋絕對係好事，黃學生仲借「中大學生會」搞事？簡直就係離譜！
原圖：星島日報
投票已截止，多謝支持
返回
