倫敦市長簡世德眼高手更高，大手筆撥出高達90萬英鎊（約合962萬港元），幫助移民英國的香港人，令人感「激」流涕，激親個激。
早在4月，英國政府已很闊卓地掏出成4300萬英鎊（約合4.6億港元）支援移英港人，已經被人笑到面黃。誰知簡世德臉皮更厚，出手更驚世駭俗。
有網友開玩笑都唔分場合，竟然問老簡係每人900幾萬，定係所有人分享900幾萬？兜口兜面拆穿英國老家嘅西洋鏡，真係冇家教。
美銀年初預測，香港人移英，今年會造成高達2800億港元的資金外流。英國人拿個零頭都唔夠嘅雞碎空手套白狼，意圖鯨吞香港千億萬億，確實高招。
移英婆媽劇的下集，相信是黃絲吹噓移英有幾好，自由空氣有幾香甜。但結局，筆者大膽預測，就是一個二個呻慘怨生活艱難，被英國人由頭歧視到落腳趾尾，然後重演九七前開心移民、移民後知衰回流的一幕。
到時候，有理由相信，大英帝國又會撥個一百幾十萬英鎊出來，支援移英港人移返香港。無他，水都Cap完，仲留你班友喺度托咩？
黃黑暴金句之一，是「我真係好X鍾意香港」，可能好快會變成「我真係好X鍾意英國」。可惜，原來大英帝國鍾意嘅，只係你口袋入面嘅銅板。
原圖：星島日報、freepik
https://std.stheadline.com/realtime/article/1551928/
投票已截止，多謝支持
返回
