喺中大校園「播獨」及辱華被校方警誡嘅中大學生會前會長周竪峰，日前忽然自爆早於3月25日離開香港前往加拿大，至今已一個月。
呢位周竪峰現年24歲，2017年中大民主牆事件，佢成隻癲狗咁責罵內地學生係「支那人」，叫佢哋返回中國，結果被校方記過處分。條友喺2020年先後出任沙田區議員黃學禮及李志宏議員助理。
周豎峰選擇離港自認懦夫！事實佢根本係狗熊！呢，佢又鬼拍後尾枕，接受媒體訪問時，自爆曾參與前年7月1日立法會衝撃事件；又眼見47名泛民主派人士，因組織及參與35＋民主派初選涉違《港區國安法》被捕後，嚇到剛喺上月新婚嘅佢「感到有被捕風險」，立刻走夾唔抖！
周竪峰應改名「周竪弱」，根本又係「叫人衝自己鬆」嘅狗熊！去年民主派區議員籌組公民議政平台，條友出任籌委會秘書長。呢個平台曾被民政事務局局長徐英偉質疑唔合法，其後該平台見勢色唔對路，宣布解散籌委會，有關平台胎死腹中。
「周竪弱」仲自稱，有日收到一個自稱有內地背景嘅人，透過中間人想約佢見面，指明要談香港公民議政平台嘅事。條友身有屎，就靠估冇辛苦，又話似在暗示他們已有情報，如佢想安全就要「篤灰自保」，佢話最終冇去見面。事後反覆思量，說自己「好懦夫地寧願選擇走」！
「周竪弱」出得嚟行，又好怕遲早要還！睇怕佢見到國安大法劍已出鞘，真係唔係講玩，又見到黑暴分子，一個二個受到應有嘅懲罰，呢，好似警方前年7月係荃灣一個由「香港民族陣線」成員盧溢燊租用嘅工廈單位內，搜出約一公斤可製作爆炸品「三過氧化三丙酮」（TATP）嘅原材料。辯方曾引述文憲指TATP炸藥嘅危險性不及TNT炸藥。據警方爆炸品處理組嘅專家報告，TNT需要使用引爆裝置，但TATP毋須裝置可隨時引爆，而且TATP嘅穩定性較低且較容易爆炸，故構成嘅危險更大。盧早前承認一項存有炸藥意圖損害生命或財產罪，日前被高院法官判監12年，成為自前年反修例黑暴事件至今判刑最重案件。呢單嘢「周竪弱」肯定嚇到三魂唔見七魄！
「周竪弱」最好笑係自爆參與前年7月1日立法會衝擊事件！筆者相信自一眾泛民攬炒派被捕後，佢已經有得震冇得瞓！一如「佔中三子」之一嘅陳健民，曾經係毒果報寫好驚政府會以「煽惑罪」拘捕佢，那時最擔心係佢女兒會因清晨有警察叩門而受驚嚇！呢個所謂「清晨六時的恐懼」，「周豎弱」應該體會甚深！擁着新婚太太，清晨六時有乜風吹草動，相信佢都會紥醒，說不定還出了一身冷汗！
「好懦夫地」走佬到加國嘅「周竪弱」，哈哈哈！唔知幾時可以回魂做番個男人？
原圖：城市論壇截圖，中文大學網站圖片
投票已截止，多謝支持
返回
