俄烏戰爭走向焦灼，烏克蘭總統澤連斯基走投無路，唯有號召所謂「國際志願兵」赴烏助陣，即時吸引大批西方陣營嘅「自稱平民」，有移英港人好學唔學，竟然趁熱鬧學人參軍，莫非妄想再續黑暴夢？！

兩名剛移居英國無耐嘅港人接受BBC訪問，有人聲稱喺香港反修例暴動期間，曾「連番走上示威衝突的前線候命」，二人如今非常關心烏克蘭局勢，當初一聽到阿澤求救，就即刻聯絡烏克蘭駐英大使館，甚至未等到使館回覆就自己買定機票飛去波蘭standby，似乎已經急不及待上戰場將香港黑暴嘅「勇猛」展示畀俄軍睇咁喎！

兩名港人經交涉後獲分配至軍醫隊伍，被烏方安排車輛接送至境內鄰近邊界嘅某軍事基地待命。旅途中，或許二人曾幻想自己向烏軍傳授黑暴秘笈，教人如何堆砌磚陣擋坦克、如何以「火魔法」擊毀戰機、如何自製浮板盾牌擋下槍林彈雨……然而佢哋喺入境之際，就被現實由幻想中拉返出嚟，一紙合約嘅殘酷現實。

現實就係，所有外國兵團嘅參與者都要簽「賣身契」，即使係軍醫都唔例外，只要一日烏克蘭嘅戒嚴令未結束，參軍者一日都唔可以離開。

一睇到條款，二人滿腔熱血迅速冷卻，一個表示冇諗過會歸家無期，另外一個就話自己只係嚟做義工，應該有權隨時退出云云。當二人仍為合約條款而猶豫嘅時候，見到其他「外國志願兵」一副躍躍欲試「好像著迷一般」，反而令佢哋頭腦冷靜落嚟，最終決定臨陣退縮，自行折返波蘭，整件事由開始到結束，不過兩日。

呢個時候，我哋再睇返二人自己講嘅參軍原因：「自由不是免費的，很多人要用屍體，要用血去換取這一代的自由」、「總不可能要烏克蘭人一個民族去承受被俄羅斯侵略吧？」、「就如香港當年那樣」、「我們決定起行，便有這樣的心理凖備，差別是要如何死去而已」。

事前句句講得大義凜然，擺出一副慷慨就義嘅模樣，臨陣卻終於醒覺，戰爭並非玩泥沙，俄羅斯士兵唔會好似香港警察咁克制，黑暴經驗喺真正戰場之上毫無意義；而自己亦從來冇變過，始終都係嗰個「講就天下無敵，做就無能為力」嘅黃絲逃兵，當日唔敢留喺香港，今日唔敢入烏克蘭，懦夫，終究是懦夫。

原圖：素材網

https://elements.envato.com/ready-for-war-UWW3UX2