港台打住公營廣播機構嘅名頭，咁多年嚟無論做得幾差都好，依然可以毫無顧忌大手大腳咁使住香港人嘅錢，拍埋啲垃圾節目去抹黑中國為西人抬轎。要數香港人最想冚埋嘅機構，相信港台絕對係名列前茅！

港台毋庸置疑係香港嘅一大毒瘤，不過新任廣播處長李百全上位後動作頻頻，似乎又帶畀香港市民一絲希望，或者呢個港台真係仲有得救？當然，港台禍根深種，就算李百全再犀利都好，想完全清除瘀血，相信都需要一段時間，但既然曙光在前，香港人等摺台都等咗幾十年啦，再等一等又何妨？

香港人眼下最應該優先處理嘅，係比港台更毒瘤嘅毒瘤–記協！

自從會員證唔再被承認為有效記者證，記協除咗係「黃絲俱樂部」，什麼也不是，但竟然仲三番四次向香港人挑機。喺早前嘅「罐頭刀風波」中，記協盲撐被質疑誤導公眾嘅港台記者，更囂張咁命令香港人收聲，擅自將事件定性為「記者報道事實真相」，將香港人嘅投訴聲音稱為「政治抹黑」！

廣播處長換人，港台重光有望，記協又將黑手伸向港台，叫李百全「交代」抽起港台節目原因。究竟楊健興係記協主席，定係港台總編輯？梁家榮在位時，黃友最鍾意拎「編輯自主」做保護傘，如今記協又有咩資格同立場踩過界，干預港台真正嘅編輯自主？

對付毒瘤，一係治療，一係鏟除，港台畢竟係公營機構，仍有一治嘅價值；而對付毫無存在意義嘅記協，唯有除之而後快！

原圖：港台新聞圖片、星島日報

https://news.rthk.hk/rthk/ch/component/k2/1560880-20201119.htm

https://std.stheadline.com/realtime/article/1380267/