原本新年流流都唔想串親黃友，無奈「黃色經濟圈」今次真係太過出位，大時大節要食「魚蛋放題」、「的式盆菜」都算喇，竟然連酸宿爛臭嘅都可以拎出嚟招呼「手足」，見到此情此景，真係唔出嚟恥笑吓呢個都對唔住自己。

其實連食餐飯要分「顏色」真係好無謂，偏偏黃友喜愛食飯當「抗爭」，以為幫襯多幾次黃店就可以吃垮中共「光復香港」喎！天真成咁，唔搵你笨實，搵邊個吖？！

所謂「黃店」，明眼人都知噱頭嚟嘅啫！只要表面上做得夠「黃」，酸宿盆菜奉客都唔使怕畀人鬧，因為「手足」們必然會理解你只係「經驗不足」，邊個夠膽鬧你？嗰個一定係「五毛」、「分化拎」啦！

當然大家唔好誤會，筆者並非針對緊某一間黃店，只係講緊成個「黃色經濟圈」都係垃圾！

好話唔好聽，香港人就好現實嘅，一分錢你畀唔足一分貨我，「體諒」得你幾耐吖？唔通「手足情懷」呢條水真係可以食足一世咩？大家心照啦！「黃色經濟圈」注定只係笑話一場，依家只係睇「手足」們要畀人搵幾耐笨實先識醒，呢個圈咪幾時散水囉！

原圖：星島日報圖片

https://std.stheadline.com/daily/article/2332635