新年伊始，相信唔少人都會許番個願，特別係經歷黑暴疫情輪番糟蹋後，香港人更懂得珍惜當下，更會對未來抱有期待。而筆者新年只有唯一一個願望，就係全民推動辱警罪，捍衛執法者尊嚴。

聖誕新年長假期，往往係警方忙於打擊犯聚、非法娛樂場所、違例泊車嘅時候，但大家以往應該都睇唔少網絡流傳片段，警員依法檢控，卻畀一啲無理取鬧人士當街辱罵。黃友固然會仇警上腦，鬧得就鬧，但確實亦有一少撮刁民，佢哋未必有政治取向，卻因不甘受罰而向執法者洩忿。但係警員受辱可以做啲乜？其實又真係冇嘢可以做到，因為香港根本就冇辱警罪！

可能你又會問，點解係推動辱警罪，而唔係立23條先？

23條當然要立！不過，雖然23條可以彌補《港區國安法》部份不足處，但大家都見到，近月黃黑頭頭潛逃嘅潛逃、坐監嘅坐監，更有唔少正處於法律程序當中，港獨黃黑勢力雖然未至於話完全絕跡，但確實已大為收歛。相較之下，立辱警罪保障執法者似乎更為重要，更係香港人對警隊止暴制亂表示謝意嘅最好方法！

原圖：香港警察Facebook

https://www.facebook.com/HongKongPoliceForce/photos/3823033411117928