港府早前宣布四名反對派政棍即時喪失立法會議員資格，結果一眾泛民政棍齊齊「義無反顧」咁嗌總辭，除咗嗰位自命清高、不以「泛民」自居嘅鄭松泰無法割捨月入近十萬嘅高薪厚職，立法會一下子少咗19碌政棍，對香港人嚟講絕對係意外收獲，但要若要開香檳慶祝，未免太早喇！

今次DQ只係針對立法會議員，而區議會作為香港建制組成重要嘅一部份，對區議員嘅要求，絕對有必要同立法會議員睇齊！區議會主要職能在於民生，但自上年17區區議會「染黃」，區議會已經唔再係一個單純討論民生事項嘅平台，早就淪為黃色政客嘅政治舞台，仇警嘅有、反政府嘅有、反國安法嘅都有......想將香港撥亂反正，除咗要整頓立法會，更要喺區議會嚟一次「大清洗」！

有指參與泛民議員「總辭」嘅行為有如挑戰中央，日後或者會因此而失去參選資格。話說早前有報道講，曾為「雙料議員」嘅鄺俊宇啱啱先買樓冇幾耐，估計佢每個月仲要供成$35,000，家陣已經冇咗立法會份人工，如果冇埋區議會份人工，唔知仲供唔供得起，銀行又會唔會call loan呢？真係諗起都急不及待想笑笑了！

立法會奸佞盡去，但香港要再出發，我哋又豈能止步於此？下一站，就係區議會！

原圖：頭條日報圖片、星島日報圖片

https://hd.stheadline.com/news/realtime/hk/1921783

https://std.stheadline.com/realtime/article/1172062