今年七一慶回歸前夕，國家送咗香港一份最好嘅禮物––港區國安法，呢條法例更化身「紫旗」，成為香港警隊手中一把利劍，治國賊懲漢奸無往不利！

喺港區國安法刊憲實施之前，雖有大批反中亂港者望風而逃，既有宣布退出政壇嘅，更有直接將組織解散嘅，但香港市民心目中始終有一個疑問，就係港區國安法到底夠唔夠力？會唔會淪為「無牙老虎」？

但當今日見到執法者們所揮舞嘅「紫旗」，市民疑惑一掃而空！大大支旗大大隻字寫到明，舉獨旗？拉！叫口號？拉！毫無妥協餘地，警察執法唔需要再綁手綁腳，只要你有意圖分裂或顛覆國家，執法者就可以拉你，呢把就係中央賜予香港嘅「尚方寶劍」！

事實上，與上年七一對比，黑暴勢力明顯已係強弩之末，只剩返少數散兵游勇死心不息，所謂「火魔法師」更係嚇到「冇魔」，以往汽油彈滿天飛嘅場面難再見到，呢啲除咗喺香港警隊一年幾以嚟嘅功勞，亦係港區國安法強大嘅震懾力！

「齊上齊落」已經係歷史口號，但「香港再出發」好快就會成為事實！香港人，勝利！

原圖：香港警察Facebook圖片及影片截圖、港台新聞截圖

https://www.facebook.com/HongKongPoliceForce/videos/304951910886958