港版國安法如箭在弦，全國人代常委日前並公佈六月廿八日至三十日，再於北京召開人大常委會議，相信北京極大機會在此次會議通過這條令洋奴漢奸、反中亂港者食不知味、睡不安寢！

李國能也不甘寂寞

呢，一班自命不凡嘅「藍血貴族」如大律師公會便撲出來呱呱嘈，說有關法案對港人有重大影響，質疑為何至今仍末公開罪行定義及具體惡法刑罰云云。實情係只要有人質疑佢哋扭曲一國兩制，質疑佢哋庇護對反中亂港之暴徒，佢哋自不然大叫大喊「影響司法獨立」！而中央要令「一國兩制」行穩致遠，加以糾正一大班黃絲對國家憲法嘅錯誤觀點，佢哋就話「干預咗香港司法獨立」，你玩晒啦！大家話係唔係荒謬？

此外。連不在其位的前終審法院首席法官李國能也不甘寂寞，在報章發表聲明，指中央機構喺特定情況下有司法管轄權，會損害司法獨立，又話「若堅持特首選法官，必須依據首席法官或司法人員推薦委員會建議」。

「蚍蜉撼樹談何易」

阿哥，不如直接講出嚟：如果佢係特首，就冇呢方面嘅煩惱啦！自大成狂，你估有藍血就係神咩？林鄭今趟倒有點「火」，話有啲人認為「指定法官罕見」未免「孤陋寡聞」，咁又係，呢班「藍血貴族」活在雲端，不食人間煙火，自不然以為高人一等！嘞！個位「有必要就日日做漢奸」嘅李柱銘，更在毒果報撰文話「一定要全力反對港版國安法」，喂，唔通佢好似大力水手食咗大力波菜，八十多歲仲可以一掌推冧港版國安法？這不就是毛澤東所講嘅「蚍蜉撼樹談何易」！

毒果報近排發表嘅言論，完全係廢噏當秘笈。有啲好似發緊高燒，神智不清話「中共正走晚清的路上」，而「勾結外國勢力」依家嚇到鼻哥窿冇肉，被內地官媒指為「禍港四人幫」之首嘅黎智英，日前更為文亂吠什麼「習帝下台不是夢」！

肥佬黎狗急跳牆？

一個人去到窮巷除咗狗急跳牆，原來更會亂咁發春夢！黎智英一身官司纏身，港版國安法殺到， 其處境正如《淮南子·齊俗》所說：鳥窮則噣，獸窮則觸，人窮則詐。意思是說，鳥冇處可飛時會亂啄，野獸無路可去時，會到處盲撞，人到了走投無路時會開始欺騙。「習帝下台」？這不是欺騙無知世人是甚麼？

中國在習近平主席的帶領下，不但成為全球第二大經濟體，而且在國際舞台上正扮演愈來愈重要的角色，美國一味退群，意味大國嘅中國將承擔更多的責任和履行更多義務！中國在疫情上控制也取得重大成就，反倒成為世界上生產能力最穩定嘅地區，有論者認為是「世界製造業的避風港」。此言不虛，在全球產業鏈重構嘅過程中，資源將湧向中國！甚麼「中共正走晚清的路上」、「習帝下台不是夢」全是用口放屁的無稽之談！筆者相信有人把廁所洗穿，遙遠東方的那條叫「中國的巨龍」依然閃亮奪目光彩！

原圖：星島日報

https://std.stheadline.com/realtime/article/1279544/%E5%8D%B3%E6%99%82-%E6%B8%AF%E8%81%9E-%E5%9C%8B%E5%AE%89%E6%B3%95-%E5%9B%9E%E6%87%89%E5%A4%96%E5%9C%8B%E6%94%BF%E5%AE%A2%E8%A8%80%E8%AB%96-%E6%B8%AF%E5%BA%9C-%E6%8C%81%E9%9B%99%E9%87%8D%E6%A8%99%E6%BA%96%E5%81%BD%E5%96%84