黑暴以來，多名警員被黑衣襲擊受傷，當中防暴警察小虎sir在反修例風波期間則被黑衣用鏹水彈擊中，近日小虎Sir接受無綫新聞訪問，表示經歷八個月嘅復康過程，有好深嘅體會，但小虎Sir更冀修補警民關係。

小虎sir在去年十月在屯門大會堂外執行任務時，被人淋鏹水受傷，小虎sir在訪問中表示當時受傷後嘅佢，諗起可能打唔到拳，有一刻覺得心灰，同時亦經歷過迷惘，不過最終積極面對，更透過不斷鍛鍊，希望早日恢復行動能力，重回工作崗位。小虎sir更指自己將負能量放喺拳頭上，釋放出去，又指，「打得拳嘅，一定唔會認輸，唔會咁容易畀自己低頭。」

感覺黑衣想殺警

而回想起受傷過程，小虎sir表示畢生難忘，小虎sir回憶起當日，指現場幾百人一片人海，唔敢相信，覺得好似回到古代打仗咁，又指黑衣嘅目的係想挫敗、襲擊警察，甚至令小虎sir感覺，黑衣直頭係想殺死警察。

小虎sir現時進行了三次手術，清創、植皮、拆釘，受傷部位係植上屍皮，每一塊皮都有幾十到一百個釘子，釘子只要佢一動半寸，就會插入佢皮膚、神經及肌肉組織裡面，痛楚更會立刻上腦，小虎sir直指此為一種折磨，更指將膠紙黏完再撕，撕完再黏，形容過程痛不欲生。而小虎sir為咗唔依賴藥物更選擇唔打麻醉劑，透露每次手術都係漫長嘅折磨。

望別再鼓吹暴力

最後，小虎sir希望藉住佢受傷復康一事，可以令黑衣軟化，更稱，「大家不妨退一步，接受多一些不同意見，希望大家不要再鼓吹暴力。」

齊為小虎sir加油，小虎sir嘅英勇，大家都知道！希望真如小虎所言，望大家退一步，勿再鼓吹暴力！

原圖：無綫新聞截圖