「好市民獎頒獎典禮2022」喺上個月2月26號結束，然而香港嘅好市民其實比比皆是，例如日前有油麻地有兩名好市民，就喺警員一聲「幫手」就隨即鼎力相助，將一名涉嫌販毒嘅男子制服！

話說，日前Facebook群組有一段關於3名警員合力制服一名男子嘅影片流傳，而被壓喺地嘅男子，其中一隻被銬上手銬，佢不時極力反抗，並且試圖企起身逃跑。就喺呢個膠著嘅狀態，其中一名警員大叫「幫手」，之後有兩名市民隨即上前「幫拖」，最終警員成功將該名男子順利鎖上手銬，之後仲同幫手嘅市民講多謝。

據了解，警方指該名男子姓吳、26歲，因涉嫌「販運危險藥物」及「阻礙警務人員執行職務」被捕，並且喺佢嘅車上檢獲市值約27萬元嘅霹靂可卡因。

一個國安家康嘅香港，就係警民合作而嚟，無論大小罪案，市民都可以出一分力協助警方打擊罪案，而且下一個拎好市民獎嘅人，就好可能就係你。

仲有記得逢星期一、五晚上，準時收聽我哋Chill好傾，同你茶餘飯後，笑談新聞。