【世看疫情】美國因新冠肺炎大爆發而導致失業人數激增，日常生活開支成問題，同時因為「家居隔離令」令其無法再享受開Party嘅自由生活，美國市民最終因為難忍隔離令，各州紛紛有人湧出嚟舉住標語、旗幟，甚至拎槍走上街抗議示威，要求解放！

早在15日，密歇根已有大批抗議者持槍示威，眾人舉起寫有「我們不是囚犯」等字嘅標語以示不滿。

華盛頓示威聚集逾2千人

而自從美國總統特朗普於4月17日連發3條推動話「解放」明尼蘇達、密歇根、維珍尼亞三個州份嘅帖文撐示威者後，多個地區嘅示威活動有增無減，據《西雅圖時報》報道，周日喺華盛頓州奧林匹亞嘅示威聚集吸引咗逾2,000人參與。據《衛報》報道，上周六，亦有數百人喺德克薩斯州議會大廈抗議，高叫「Fire Fauci！」口號，原因係Anthony Fauci為白宮冠狀病毒工作組嘅頂級公共衛生專家。

而喺馬里蘭州，有抗議者留喺車內圍住首都邊行邊按喇叭，以此要求馬里蘭州州長Larry Hogan「重新開放馬里蘭」。而喺哥倫布，幾百名示威者聚集高叫「我們不是綿羊」。

新冠肺炎疫情嚴重，但美國多地仍有大型示威活動，果然「自由」至上？

原圖：無綫新聞截圖