【世看疫情】美國又再次內訌？除了紐約州長鬧完侵侵「美國沒有皇帝」（請按此重溫）外，蓋茨也問口！美國抗疫唔掂，美國總統特朗普發茅，疑將責任賴落世衛身上，力數不是，繼而宣布美國將暫停撥款予世界衛生組織（WHO）。美國微軟創辦人蓋茨都唔係好睇得過眼，於社交網批評特朗普，直指侵侵嘅決定危險。
對於美國叫停世衛撥款，世衛總幹事譚德塞對此事感到好遺憾，稱世衛正審視美國暫停撥款對世衛運作有幾大影響，同時會尋找方法填補失去嘅資金，以確保世衛得以運作。
蓋茨則指世衛遏止疫情擴散嘅工作係無可取代，同時批評特朗普嘅決定危險。而歐盟亦對侵侵嘅決定有微言，其中德國指侵侵所為無濟於事。
唔少人都對侵侵呢次決定有意見，不過以佢嘅性格，會聽人講咩？
原圖：無綫新聞截圖
投票已截止，多謝支持
返回
