英國外相侯俊偉（Jeremy Hunt）為當首相做騷，鐵心干預香港？香港已經回歸祖國超過22年，但有英國人仲活在自己嘅幻想中，侯俊偉近日盲撐香港反修例暴徒，事後即被中方批自作多情（請按此重溫），但侯俊偉唔收口之餘，仲懶型咁話唔排除制裁中國喎！你敢？！放馬過來吧！睇吓邊個大鑊啲！

政客靠把口拉票

英國保守黨黨魁選舉進任最後直路，侯俊偉成功擠身「決賽」，與前外相約翰遜（Boris Johnson）一決雌雄，一個唔覺意贏咗就係下任首相，不難想像，此獠近排梗係動作多多，前殖民地香港就成為咗佢嘅目標之一。為咗拉票，侯俊偉死撐香港反修例暴徒，更不惜插手干預香港市務，挑機中國，甚至好似好型咁意有所指唔排除制裁中國，又話或者會驅逐中國駐英大使云云。

環時狠批侯自私

侯俊偉此獠吹水唔抹嘴，《環球時報》社論便狠批其為人自私，將政治利益置於中英雙邊關係之上。中國駐英大使劉曉明仲鬧爆侯俊偉，斥英國有啲人仲保有殖民國嘅諗法。

既然侯俊偉唔理中方警告，搏命搞香港，仲要恐嚇中國，一於力撐祖國應戰，打殘侯俊偉！

原圖：Jeremy Hunt Facebook、無綫新聞截圖

https://www.facebook.com/jeremyhuntsws/photos/a.907210566092860/907211926092724/?type=3&theater