黃絲又玩老屈啦，今次嘅目標係藝人梁競徽（前名梁烈唯）。前日（9日）民陣發起反修例遊行，一眾黃絲除咗自己感動自己之外，仲亂指梁競徽有現身，甚至有傳佢有舉起雙手做交叉手勢反修例等等，總之愈傳愈大，而且黃絲仲衝去梁競徽IG話多謝佢喎！梁競徽除了IG遭到黃絲圍捕，連微博都係，今日，梁競徽終於發聲，於微博強調自己冇參與過遊行，留言「我再講一次，我沒有去！」

黃絲除咗得個噏字之外，為咗令梁競徽睇落似足有參加遊行，佢哋仲大量改圖，企圖陷梁競徽於不義。梁競徽今在微博回應網民，強調黃絲口中嘅唔係佢，而佢自己從來冇參加過反修例遊行。

恕轟黃絲：又一個做假

另外，由於黃絲係咁話自己見到梁競徽，甚至影到佢相，梁競徽終於火都嚟，喺微博怒串黃絲網民，有黃絲亂噏話自己收到梁競徽身處遊行中嘅相，梁競徽發火，留言「又一個做假的，看來你們真的好空閒！有圖片的話就發出來，不要客氣！冇圖冇真相！」

又有網民在微博表示要多謝梁競徽出席遊行，梁競徽發火鬧：「又係你，得閒諗下（吓）你自己點解做人做到咁失敗，要藏頭露尾好過啦！」事後梁競徽更發被P圖的原圖，留言「原圖，以證視聽」。

到底黃絲係真心多謝定真心膠，咁就不得而知啦！但梁競徽今次真係完美地演繹咩叫「人在家中坐，鍋從天上來」啦！黃絲真可恥，為盲反修例，屈得就屈！真係辛苦晒梁競徽啦！  

原圖：梁競徽IG圖片、網絡改圖