民陣最近集中火力叫人參與6月9日反修逃犯例遊行，唔知係咪想乘機「搶foc」希望多啲人參與，昨日佢哋同警方開會傾安排時，忽然離場抗議，原因居然係民陣自覺會有30萬人上街，要求警方開放軒尼詩道西行6條行車線，但遭警方拒絕，表示只會開放3條，民陣見警方唔信自己估計，於是嬲豬離場囉（請按此重溫）！成30萬人喎，大家估吓到時會有幾多人出現？
民陣次次都話有好多人遊行，但次次講出嚟個數字都極有水份；上次四月尾話有13萬人出嚟行，但據警方統計就只有2.28萬，足足吹大近六倍(請按此重溫)，講真話總好過明明少人仲要扮到有千軍萬馬咁款！喺度勸民陣一句勉強無幸福，民陣應該做嘅，係反省點解愈來愈難叫人出嚟行，點解市民愈來愈憎反對派！
既然民陣吹到咁大，話會有30萬人出嚟盲反修例，大家不如一齊大家估吓實際數字係幾多？
原圖：有線新聞截圖
投票已截止，多謝支持
返回
