朋友：「乜乜花園、物物廣場樓價又創新高啦！」 筆者：「報紙日日都係咁講架啦，咁又點？」 朋友：「個市肯定會繼續升啦，買唔到樓啦，死啦！」 筆者：「點解創新高就一定會繼續升呢？」 對於「創新高」這個現象，不同人有不同演繹… 傳媒一般會演繹為…樓市瘋狂、上唔到車、地產霸權… 政府官員一般會演繹為…市場亢奮、炒風太勁，要出招… 代理一般會演繹為…而家唔買，將來會更貴… 羊群呢？…當然不會自己演繹，只會任人魚肉，盲目高追… 其實「創新高」係咪即係樓市好呢？ 事實上最近二手市場非常淡靜，被一手市場搶盡風頭，如果是幾年前，沒有政策扭曲，若一手新盤貼二手，甚至低於二手開價，二手通常都會減價迎戰，樓市自然就會調整。可惜自從有SSD及一連串收緊按揭政策之後，業主都不賣樓，二手短缺，整個屋苑、整個社區只有一、兩條鎖匙，唸中學時，這些好像叫「囤積居奇」吧！不過現在不是商人發功，而是政府政策扭曲，令全港業主一起「囤積居奇齊創新高」而已。 事實上在供應短缺的情況下，「創新高」只反映有人俾得起！ 舉例市場上有6個單位放售，6個潛在買家，價錢100萬。 如果現在其中5個業主不賣了，只有1個單位放售... 仍然有10個潛在買家，成交價會高於還是少於100萬？ 肯定是貴啦！因為業主再不要考慮甚麼市場價了，只要賣給最付得起錢的買家，就創新高了！如果你有兩個單位要賣呢？你就只能賣108萬，如果你想賣3間，就只能賣106萬而已。   情況就好似一個在理科班唸書的女生，九把刀在「那些年」已經告訴你其實只是有一點點漂亮而已，已經成為「一起追的女孩」，相反如果在文科班唸書的男生，即使平凡亦會有女生喜歡，係咪反映到真實價值呢？兩班一齊搞個活動，大家互相認識一吓，平衡番買賣雙方的力量，咁先可以作準。 創新高另一個反映的是…很多新手，盲目高追！ 為甚麼賣得比正常貴，仍然賣得到？買家很有錢？不在乎錢嗎？看見年青人不斷高呼上唔到車，又唔似喎。資深投資者點會走去創新高呢？賺咩錢？明顯地很多時候創新高，都係因為買家唔知價，唔知乜嘢叫平？乜嘢叫貴？俾人老點咗都唔知咩事！ 1% Anthony Fan Page《第一桶金》：www.facebook.com/anthony.wealth 圖：有線截圖