上次介紹過大家去吉祥寺，今日搭幾個站過黎行埋高円寺（中文一般用 高圓寺）。 高圓寺係一個住宅區，所以無乜好特別既野行，不過偏偏就係呢樣特別，特別傳統。如果你想感受下地道日本人生活既話，高圓寺算係一個離市區唔太遠既一個好選擇。 由新宿或秋葉原等地出發，搭黃色既中央總武線，幾分鐘就到達高圓寺。（提提大家，雖然JR寫住中央線快速都有停高圓寺站，但係只會在繁忙時間停，其餘時間都係飛站的，所以都係乖乖地搭中央總武線吧）。 地圖左手邊係北口，右手邊係南口。大家可以見到，商店街（即係藍色字既地方） 其實就係圍繞住JR高圓寺站。好近的，又好細，轉個頭就行完。 由北口出，第一眼就會見到上圖呢條純情商店街。不過唔好亂諗，真係好純情的，呢度賣日用品的，連生果檔都有。 好喇，講下南口，南口比較現代少少，有多元化一點既店鋪，仲有得夾公仔同埋有Village Vanguard。 好快咁就行完高圓寺，下星期開始會一連幾星期帶大家去下離島，參觀江之島，睇下神社，同行下街。下星期見。 圖：由作者提供，JR路綫圖取材自JR東日本網頁。