新年快樂！新一年，唔需要搭新幹線，又唔駛趕頭趕命。筆者帶大家去一個可以讓你悠悠閒閒咁過一個下午既地方，仲有好意頭添，就係東京市內既吉祥寺喇。 無論你係由東京定新宿出發都好，都係搭JR中央線(快速)， 只需11分鐘就黎到吉祥寺。 吉祥寺就好似去左赤柱咁，離開咗市區無咁多人，但係又好似好多地方行，總之就舒舒服服咁行下睇下野飲個tea。唯一分別就係吉祥寺無海，不過取而代之既係一個好有名既公園，就係井之頭恩賜公園。 從上面呢個地圖可以見到，JR吉祥寺站既南口，就係前往井之頭恩賜公園的。而行街既地方就集中喺北口既附近。我地由南口出閘睇下嘢先： 南口一出就已經有條食街，好多餐廳的，不過小心條路好窄仲有巴士行。行前少少就會見到激安之殿堂同0101商場，而上圖呢條街就係通去井之頭恩賜公園的，呢條街就喺激安之殿堂旁邊。（公園就唔行喇，我地沿住火車橋底轉番入去北口方向），一嚟會見到UNIQLO。 樓高七層既UNIQLO好好行，乜衫都有。再行前少少向右手邊望過去，就會見到下圖既吉祥寺商店街（西入口）。 呢條商店街好多地方行，除左衫褲鞋襪同日用品之外，呢度既小食店都非常出名。大家睇下上面呢間Satou Steak House排晒長龍，就係為咗食炸松坂牛肉球，每人限買10粒咋！ 吉祥寺商店街既北部，有呢個Coppice商場，我會形容呢個係親子商場，因為佢入面多數賣童裝同玩具，有少量動漫同卡通既店鋪（例如龍貓同Hello Kitty等）。 上圖係商店街既其中一條巷既地圖，睇落好長，其實好快就行完。呢個時候，原來筆者去既當日，撞正吉祥寺既中秋節，我地睇下日本人既祭典先啦： 以下落嚟係吉祥寺商店街既周邊，除咗有筆者成日都介紹既Yodobashi之外，仲有書局同PARCO。 下星期日，我地去幾個站之差既高圓寺，睇下純情商店街有幾純情。下星期見。 圖：由作者提供，JR路綫圖取材自JR東日本網頁。