雖然主子侵侵為求政績對中國軟化，但其走狗、商務部長羅斯好有「職業道德」，繼續恐嚇中國。第七輪中美貿易談判，中美似乎關係進一步緩和，隨時達成協議，但羅斯依舊聲大夾惡叫囂靠嚇，話如果傾唔掂數就照加關稅喎，好得人驚呀。

你敢加稅 中國奉陪

侵侵對華放得軟一軟，Twitter治國時唔敢再亂噏，又表明好想同中國國家主席習近平舉行峰會簽署協議。相反，羅斯出席美國商會致辭時，就放硬話指若中美無法達成協議，美國會按原定計劃，將2,000億美元的中國貨品關稅稅率由10%提高至25%，又謂會繼續維持目前對中國500億貨品徵收25%關稅云云。 一手硬，一手軟，可謂千古不易的談判策略。不過羅斯大概忘了一個問題：你夠膽加關稅，中國當然會受到傷害，但反手就會堆出相應貿易制裁，買大豆之類嘅協議通通作廢，到時成大堆美企、美農又會叫晒救命。你老闆侵侵想快啲和解R選票博連任，你做中國出招之後邊個傷啲？ 原圖：無綫新聞截圖、Pixabay圖片 https://pixabay.com/zh/photos/大豆-植物-种子-袋-麻布-2039639/ https://pixabay.com/zh/photos/国旗-美国-国家-独立-爱国-1291945/

投票已截止，多謝支持