泛民仇中上腦，為盲反大灣區發展不遺餘力，可能見自己講嚟講去三幅被悶悶地，毛婆毛孟靜竟然無嘢搵嘢講，突然「毛老師」上身，喺政府公布嘅大灣區文件上捉字蝨，真係冇理據反駁咪算囉，何必搞到咁肉酸？
毛婆連日喺個人Facebook上發帖，先喺20日拎份中文版大灣區文件出嚟抽秤，仲好有心機咁逐個數佢口中所謂嘅「大陸用語」出現咗幾多次；毛婆可能覺得唔夠過癮，昨日又Post一份英文版嘅文件出嚟，扮晒語言專家咁捉字蝨。
其實兩岸三地同根同源，遣詞用字互相影響都唔係今日嘅事，毛婆低莊到要靠捉字蝨去抹黑大灣區，已經足以證明大灣區發展確實係好嘢，反對派根本搵唔到實質理據去盲反啦！
原圖：毛孟靜Facebook截圖、無綫新聞截圖、Now新聞截圖
https://www.facebook.com/pg/ClaudiaMoManChing/photos/?tab=album&album_id=548860421797978
投票已截止，多謝支持
返回
