正當侵侵不停唱衰華為設備，其鐵桿盟友英國居然大唱反調，話所謂華為嘅安全風險根本可以控制。換言之，即係華為產品OK囉！相比起美國嘅主觀、霸道，英國呢啲咪叫客觀、識貨囉！ 英國《金融時報》日前引述兩名來自英國國家安全機關政府通訊總部(GCHQ)旗下英國國家網絡安全中心(NCSC)的消息人士指，對於華為設備或會帶來的風險，NCSC認為可以控制。報道分析指，這反映英國未必會跟隨美帝放棄使用華為5G技術。

其他國家或轉軚 棄禁華為

話時話，正當美國對華為喊打喊殺，而英國又喺呢個時候加把口，可以話絕不簡單，更有可能令美國用盡心機打嘅反華為牌一次輸清光。報道續指，消息人士指出，英國的態度亦會影響整個歐洲對華為5G的取態，若英國認為相關風險可控，歐洲其他國家只須採用英國的防範措施，便可繼續使用來自中國的5G設備。也就是說，英國分分鐘令美國過去幾個月嘅邪惡努力通通白費。 唉，美國做事一味靠嚇，明屈華為，但又連證據都拎唔出，點會work啫？搞到連最鐵嘅盟友英國都要摑醒佢！點呀侵侵，呢巴係咪好應呢？呵呵呵！ 原圖：Donald Trump Facebook、Pixabay 網站 https://www.facebook.com/DonaldTrump/photos/a.10156483516640725/10162068974775725/?type=3&theater https://pixabay.com/zh/英国国旗-国旗-英国-美国-王国-英格兰-符号-英语-伦敦-1907933/

投票已截止，多謝支持