自己脫歐搞到一鑊泡，英國居然仲得閒搞中國？英國國防大臣韋廉信(Gavin Williamson)日早表示，為展現英國「硬實力」，將在2021年派遣最新的航母「伊利沙伯女王號」(HMS Queen Elizabeth)到太平洋巡航，包括中國南海(請按此重溫)。瘋言一出，唔只英國坊間口誅筆伐兼恥笑，中方更隨即表示，國務院副總理胡春華將取消與英國財相夏文達(Philip Hammond)會面。做得好！ 韋廉信可能仲活喺大英自詡「日不落帝國」的想當年。佢話派「伊利沙伯女王號」到太平洋巡戈是為了對抗「藐視國際法」的國家，仲話英國正逢脫歐「偉大時刻」，必須趁機強軍及鞏固世界地位以應對中俄威脅。

挑釁或令英失千億協議

聞此瘋言瘋語，中國自然有回報。據英國《太陽報》(The Sun)報道，韋廉信宣布以上消息後數小時，中方隨即宣布取消胡春華與夏文達原定於本周的貿易談判。有指中國原打算在該會議上取消對英國家禽、化妝品涉及金額高達約1,025億港元的禁令。報道並指，英政府內閣對韋廉信的言論感到憤怒，認為他某程度上挑起了戰爭。 講真，最「藐視國際法」的國家，乜唔係美國咩？何解英國國防大臣閣下唔敢對美國出聲？果然虛偽兼垃圾。奉勸一句，英國冇咁大個頭就唔好戴咁大頂帽！中國輕輕反擊，英國就可能冇成千億，到中國真係全力發動出手，英國肯定玩完都似！ 原圖：Royal Navy 網頁、大公報 https://www.royalnavy.mod.uk/queenelizabeth http://news.takungpao.com.hk/paper/q/2017/0702/3468951.html

投票已截止，多謝支持