販獨當然唔會有好下場！前年10月非法宣布獨立的12名加泰獨派領袖，於當地時間周二（12日）在馬德里受審，其中加泰羅尼亞自治區前副主席容克拉斯，正面臨25年刑期，其他人亦隨時被判入獄7至17年。本應一同受審，卻無恥逃亡的加泰隆尼亞自治政府前主席普伊格德蒙特，居然聲大大批評，歐盟關心委內瑞拉仲多過關心西班牙云云。梗係啦！販獨害人不淺，冇人支持是理所當然！

獨犯最重或囚25年

犯法受審，理所當然，國際標準，黃友又睇唔睇到？12名被告被控以叛亂、煽動叛亂及挪用公款罪，對於昔日同伴受審，流亡在外的普伊格德蒙特大講風涼話，他指審訊是對西班牙民主以及司法制度的考驗云云，普伊格德蒙特又指，對歐盟的態度感到質疑，他認為比起成員國家的事務，歐盟顯然對委內瑞拉等地更關心。普伊格德蒙特以為歐盟係同路人？發夢都冇咁早！大難臨頭仲會有人理你咩，唔痛打落水狗都偷笑啦！ 話說回來，雖然販獨天理不容，失道寡助是自然，但拒為獨友發聲，不代表歐盟可洗白，他們對委國內政指手畫腳，意圖顛覆亦是無恥，兩者皆不值得支持！ 原圖：無綫新聞截圖

投票已截止，多謝支持