其實係唔係成個美國都冇正經事做，所以啲官員得閒到周圍抹黑華企？美國國務卿蓬佩奧早前開始歐洲訪問行程，喺斯洛伐克同匈牙利時就離間該地同中國嘅關係，被匈牙利外長西亞爾托直斥虛偽（請按此重溫）。呢一句虛偽似乎鬧唔醒蓬佩奧嘅廉恥之心，佢今次同波蘭外長會面，點埋名話唔好用華為，否則會影響同美國合作。

稱美因風險棄用華科技

蓬佩奧話，自己宜家喺波蘭做嘅抹黑之事，就如美國喺世界做緊嘅事，就係畀大家知道華為嘅「風險」，而眾國如果最後做出某啲選擇，會令到美國國防部難以同佢哋合作。講到咁隱晦，係唔係佢都覺得醜怪，唔好意思講出口？一句講晒，美國咪係想用國防合作呢層關係，威脅眾國唔好用華為囉﹗

佢又話，美國因為風險因素而唔會使用中國科技產品，之後話鋒一轉縮一縮，話各國家最後決定係點係自行選擇。

威脅完人，再講「你諗你喇」，簡直係電影中典型的反派﹗

原圖：無綫新聞截圖