想達成協議，唔該老美就唔好只係諗自己﹗新一輪中美貿易談判即將展開，喺呢個關鍵時刻，官媒直接放錢入侵侵袋，同佢講如果想兩國達成共識，就唔好抱住單贏嘅念頭﹗今次中方點埋條明路畀你，侵侵肯唔肯行就睇自己喇﹗

籲美勿幻想改變中國

《環球時報》今日發表以〈中美顯然都願意新一輪磋商順利〉為題的文章，直指如果中美談判失敗，美國嘅承受力一點唔比中國大，從而勸侵侵「放棄單贏的想法，尊重貿易協議都必須是雙贏的基本規律吧。」文章又指，中國現正加快改革開放，當中有啲部分可能會同美國嘅要求重疊，不過中國嘅「基本經濟制度不可能改變，中國發展高科技的權利不能夠喪失」，叫美國唔好對無理改變中國存有幻想。

文章進一步指出中美雙方形勢懸殊，中國應對重大事件時執行力首屈一指，而美國近期嘅政治生態卻多了不少不確定性。

喺呢個中強美弱嘅形勢下，老美識唔識做？大家一齊放長雙眼睇喇﹗

原圖：無綫新聞截圖