貪圖人哋國家資源，搞到委國立立亂，老美點解可以咁霸道？有媒道引述白宮官員大爆，美國一直都同委內瑞拉軍方溝通緊，想說服對方唔好支持委內瑞拉總統馬杜羅，另一邊仲準備對委國嘅新制裁，嘗試打壓馬杜羅。究竟老美係唔係想搞到全世界都民不聊生先開心？

老美由扶植傀儡「自立總統」瓜伊多開始，就不斷多方面干涉委國內政，一邊幫該國反對派搞事，一邊恃自己大國，胡亂制裁委國，向馬杜羅施壓，但委國軍方成員對馬杜羅十分忠誠，只有少數高級軍官倒戈去反對派陣營。

威迫利誘軍官倒戈

據路透社引述白宮高級官員指，老美有見委國軍方的忠誠，竟然私下與其聯絡，叫佢哋放棄支持馬杜羅，仲用埋啲下三流手段威迫利誘。手段分別有：如委國軍方成員背叛馬杜羅，美方將會畀特赦同優待嘅法律處理；如果有委國高官承認瓜伊多的「臨時政府」，美國將會考慮解除針對委國嘅制裁。

馬杜羅得到軍方嘅忠誠，可見係一個值得跟從嘅總統。偏偏老美係都要插手，令委國成為自己嘅傀儡國，真係醜惡到不得了﹗

原圖：無綫新聞截圖