新年流流，林卓廷真係口臭兼手臭。前廉署低級調查員、民主黨立法會議員林卓廷一直死咬前特首梁振英不放，靠炒作UGL事件炒足N年。現在，眼見佢心目中嘅祖家英國都唔幫拖，咬CY唔入，便發洩在律政司司長鄭若驊身上。本來新正頭新年流流開開心心，但林卓廷硬是要為團圓美滿的節日潑上一大盤政治污水，手臭撩出「不如歸去」、「造福香江」等悔氣揮春，話要送畀鄭若驊喎。

新年都要政治化到底

按前低級調查員嘅說法，送此兩張揮春畀鄭若驊，係因為對鄭決定喺UGL事件唔告CY。林卓廷仲「好好心」話會將揮春寄往律政中心，連新年都要政治化到底，相當討厭。 講真，林卓廷唔信香港都信英國，要怪都係怪英國先，點解？事關林卓廷本人山長水遠去到英國告御狀(或曰「眾籌遊埠」)，偏偏英方好無情咁話唔告CY，搞到林卓廷嬲嬲豬到爆炸。其實，林卓廷炒極UGL都告CY唔入，人格謀殺呀、公審呀之類的手段用極都唔靈光，係咪應該知衰，「不如歸去」，以「造福香江」呢？所以話啫，林卓廷開開心心撩八隻字畀鄭若驊，其實更啱佢本人呀！ 原圖：星島日報、大公報 http://www.takungpao.com.hk/mainland/text/2016/0712/8281.html https://std.stheadline.com/instant/articles/detail/928693-香港-林卓廷送「不如歸去」揮春予鄭若驊

投票已截止，多謝支持