美國一隻年老嘅八哥（編按：狗）患有分離焦慮症，一刻都唔可以同主人分開，如果唔係就會因為焦慮而係咁吠。為咗安撫毛孩不安嘅情緒，主人腦洞大開，竟然自製一個1:1嘅「分身」相件，又真係畀佢成功喎！

狗狗年老 難伴主人

八哥Shorty細細個就畀主人Marc喺費城一間所物收容所救出，依家已經足足15歲，健康狀況大不如前，體力已經唔容許狗狗再同主人出街，因而患上分離焦慮症，但主人Marc為咗工作亦唔可能長期留喺屋企，因而覺得好苦惱。

Marc妻子Kristen表示，冇人可以取替Marc係狗狗心目中嘅地位，每次Marc離開屋企，狗狗就會又吠又喊，「牠甚至不會如廁，直到見到牠父親為止」。後來Kristen突發奇想，買咗一個1:1假人並著住沾有Marc氣味嘅衫，畀狗狗攬住瞓覺，效果出奇地好，狗狗焦慮症情況好快就好轉，Marc仲呷醋咁講，自己依家甚至比唔上假人。

狗生苦短，主人可以話代表咗狗狗嘅一切，各位家有毛孩嘅讀者，記得隨時關注佢哋嘅心情吖！

原圖：網絡影片截圖

https://www.facebook.com/vintagepetrescue/videos/280420129319317/